هدى الإتربي: دوري في العتاولة توعية للفتيات لحمايتهم
ردت هدى الإتربي، لأول مرة على ما تردد بشأن رفضها الجزء الثاني من مسلسل العتاولة وعدم اقتناعها به. كما تحدثت عن تفاصيل شخصيتها معتبرة أنها كانت توعية للفتيات لحمايتهم من الاستغلال.
كما تطرقت في حوارها مع "ليالينا" للحديث عن حلقتها مع حسن عسيري، وكذلك تصريحاتها مع برنامج العرافة لبسمة وهبة.. وفي السطور القادمة ستتعرفون معنا على أبرز تصريحاتها وحقيقة عدم اقتناعها بمسلسل العتاولة في جزئه الثاني.
واعتبرت هدى الإتربي المسلسل ودورها فيه توعية للفتيات خاصة مشهورات تيك توك، كاشفة عن كواليس تصوير بعض المشاهد في المسلسل.
هل رفضت هدى الإتربي مسلسل العتاولة 2؟
وقالت هدى الإتربي رداً على تباين الآراء حول مسلسل العتاولة 2 : وعن تباين الآراء حول مسلسل العتاولة وعدم رضائها عن الجزء الثاني قالت هدى الإتربي: "الجزء الثاني بالنسبة لنا كممثلين وصناع هو تكملة للجزء الأول، تكملة لنجاحه، وبالعكس أنا شايفة إن صدى السنة دي كويس أوي إحنا من الأوائل اللي عاملين مشاهدات كتير.. ولو معندناش حاجة أحلى من اللي بنقدمه يبقى نعمل حاجة جديدة طول ما أنت مكمل ومحافظ على مستواك ده شيء جميل، في ه ناس كتير عاملين أجزاء كتير برة ومكملين والناس حباها".
وأضافت: "أول ما الشركة المنتجة طلبوا مني المشاركة في الجزء الثاني طبعا مضيت على طول". وعن التصريحات التي أدلت بها في برنامج العرافة قالت هدى الإتربي: "بص أنا مسؤولة عن اللي قولته، مش اللي الناس بتصدره وأنا لسة سامعة معلومة وقف برنامجها، وأي برنامج ليه ناس قاعدة مستنياه ومستنيين ضيوفه طبعا أحب أشارك فيه إيه المشكلة".
وعن أفضل الألقاب لها قالت هدى الإتربي: "قنبلة الجيل.. الناس طول الوقت بتناديي بكدة وبعد ما خلص المسلسل لقيت تحديات على السوشيال ميديا بالأغنية، ولقيت الناس هي اللي سمتني قنبلة الجيل".
عروض الزواج لهدى الإتربي
وقالت هدى الإتربي إنها تتلقى عروض زواج على منصات التواصل الاجتماعي إلا أنها لا تعيرها انتباه، قائلة: "تخيل حد يشوف حد على السوشيال ميديا ويبعت له علشان يتجوزه.. أنا في النهاية ليا مواصفات لشريك الحياة لازم يكون ناجح عنده تقديس للأسرة وللعائلة، لأني بحس إن الارتباط أمر يحتاج شغل طول الوقت لأن لو الإنسان مكانش بيهتم بالتفاصيل دي البيت هيخرب فدي حاجات بالنسبة لي مهمة في الجواز".
دور دينا توعية للفتيات
وقالت هدى الإتربي عن دورها في مسلسل العتاولة 2: "أنا وعمرو عبدالعزيز مشاهدنا كلها كانت ضرب، لكن مكانتش بجد يعني، كان فيه السينس اللي الناس بتحس إنك بتتضرب كويس، ومن أصعب المشاهد كان المشهد اللي جمعني بسبتي كان فيه زي كدة لوم إنه هو كان سبب من الأسباب اللي وصلتها للوضع اللي وصلت له، فالمشهد كان فيه مننا ارتجال بسبب إن المشاعر بتاعة دينا وسبتي كانت متشبعة أوي فطلع مننا كلام برة السكريبت".
وأضافت هدى الإتربي: "دور دينا توعية للبنات الي بيتم استغلالهم في التيك توك والجولات وإزاي تبدو إنها هتدخل تعمل لايف وخلاص ولكن وراها حاجات كتير وبيحصل من وراها مشاكل كتير".
وعن لجوئها للطباع المستفزة قالت هدى الإتربي: "ممكن أبقى خبيثة جدا لما حد بيكون مؤذي".
وعن حلقتها مع حسن عسيري قالت هدى الإتربي: "هو مستفز". وأضافت عن الحلقة: "في الأول أنا فكرت إنه بيهزر، لكن بدأت أتعصب وقررت أمشي فهما كشفوا إن دي مقلب.. إحنا تريند طلعنا".
وعن المقارنة بين برنامج مقالب رامز جلال وحسن عسيري قالت: " برنامج حسن عسيري هو استفزاز على الهادي، لكن برنامج رامز جلال مرمطة، عذاب".