إلهام وجدي تتحدث عن معايير اختيار ملكات الجمال
كشفت الفنانة إلهام وجدي عن معايير اختيار ملكة جمال مصر، وعن أسباب رفض بعض الفتيات عند تقدمهن للمشاركة، كما كشفت عن سر حفاظها على وزنها.
وقالت إلهام وجدي: "والله بحط نفسي مكانهم أوقات كتير لأن وقتها كان عندي خبرة قليلة كنت خايفة من لجنة التحكيم لما بلاقيهم مكسوفين أو خايفين مقدرش أقيمهم كناس محترفين حرام هظلمهم، فبقول كويسة بس محتاجة تتشجع شوية، أو كويسة بس ثقتها بنفسها هتزيد مع الوقت".
معايير اختيار ملكة الجمال
وعن مسابقة ملكة الجمال التي شارك فيها إلهام وجدي، هبة السيسي، وداليا البحيري قالت إلهام وجدي: "خلي بالك في حاجة الناس مش عارفاها إحنا محكومين باللي بيتقدموا فلو اللي اتقدموا مقلا 100 واحدة بنختار من المواصفات المتاحة، ممكن يكون فيه برة محترفين بس ماتقدموش فأنت في الآخر بتتعامل في حدود المتاح ولازم تعمل المسابقة ولازم تخرج ملكة جمال مصر اللي هتمثل مصر في مسابقات عالمية.. فبنختار من المتاح".
وعن مستوى المتقدمات للمشاركة في مسابقة ملكة جمال العالم، قالت إلهام وجدي: "أنا لما بشوف بنت جميلة في الشارع بقولها روحي قدمي، وأنا بشجع ناس كتير أوي".
أما عن المواصفات التي استفزتها في المتقدمات فقالت: "كل ست لها جمالها، لكن إحنا محكومين بمواصفات معينة، فلو بنوتة قصيرة أوي مش هينفع، وكذلك لو وزنها أكثر من الستاندرد، لأن في الآخر فيه مقاييس مضطر تمشي عليها، لكن أنا بشوف فيه بنات شكلها أحلى وهي كيرفي، فأنا أعتقد لو مكانتش مهنتي دلوقتي التمثيل وقبلها كنت المودليج وقبلها مذيعة، أعتقد إن أنا كنت هختار إن أبقى مليانة! فبحب البنت الكيرفي لكن أنا محكومة لأن ده شغلي".
المزيد:
