مها أحمد تبكي على الهواء وتكشف مأساة عائلتها
انهارت الفنانة المصرية مها أحمد على الهواء مباشرة في مداخلة تليفونية مع برنامج التاسعة الذي يقدمه الإعلامي وائل الإبراشي، وهي تكشف المأساة التي تعيشها عائلتها.
مها أحمد تتحدث عن المأساة التي تعاني منها عائلتها
حيث تحدثت الفنانة وزوجها الفنان مجدي كامل عن الظروف الصعبة التي مرت بعائلتهما خلال الفترة الماضية، والتي كشف عنها قبل أيام ابنهما عادل في منشور على إنستغرام لقى تفاعلاً واسعاً من قبل رواد السوشيال ميديا.
وقال مها أحمد أن عائلتها تعرضت في الفترة الأخيرة للعديد من الحوادث الغريبة التي لا يمكنها تفسيرها، مثل تعرض منزلهم للغرق تماماً، وأنها كادت تتعرض للغرق خلال وجودها في الساحل الشمالي، بالإضافة إلى تعرضها لأزمة صحية حادة.
كما أشارت الفنانة المصرية إلى أنها فوجئت بما كتبه ابنها عادل قبل أيام على السوشيال ميديا، حيث قالت أنه هو الآخر تعرض لعدة حوادث غريبة، مثل انفصاله عن حبيبته وموت أحد أصدقائه المقربين، بالإضافة إلى إصابته بمرض غامض.
مها أحمد تبكي على الهواء بسبب مرض ابنها
ولم تتمالك دموعها وبكت على الهواء أثناء حديثها عن ابنها الثاني أحمد، وهو من ذوي الاحتياجات الخاصة، حيث قالت أنها لا تستطيع الاقتراب منه منذ بداية جائحة كورونا، خوفاً عليه من التقاط أي عدوى، لأن يعاني من ضعف المناعة.
وأضافت مها أحمد أن هناك شخص معين يتولى وحده فقط مسؤولية العناية بابنها المريض، ولا يختلط بدوره بأي أحد في المنزل، لافتة إلى أنه من الصعب للغاية الذهاب بابنها أحمد إلى المستشفى في ظل أزمة كورونا.
مجدي كامل يتحدث عن أزمات عائلته وما طلبه من ابنه
ومن جانبه، قال الفنان مجدي كامل أن ما حدث لعائلته في الفترة الماضية لا يجد له تفسيراً إلا الحسد، لافتاً إلى أنه هو أيضاً عاني في الفترة الأخيرة من أزمة صحية حادة.
وأضاف الفنان المصري أنه طلب من ابنه عادل التفاؤل بخصوص المستقبل، وأن يكون مؤمناً بأن هذه الأزمات التي تمر بها العائلة سوف تنتهي.
عادل مجدي كامل يصدم الجمهور بمعاناة عائلته
وكان عادل، ابن الفنانين مجدي كامل ومها أحمد، قد صدم الجمهور قبل أيام قليلة، عندما نشر عبر حسابه على إنستغرام منشور طويل، تحدث فيه عن العديد من الأزمات والمآسي التي مرت بها في الفترة الماضية، وسببت له اكتئاباً حاداً.
حيث كتب عادل مجدي كامل: "أنا بكتب الكلام ده وأنا إيدي بتترعش وفعلاً تعبان ومش قادر ومش عارف أنا عندي إيه ومش عارف أتكلم مع حد علشان مش عايز أخلي حد يشيل همي، بس أنا هكتب الكلام اللي عايز أكتبه ده علشان أنا مش عارف اللي جاي إيه ولا هيحصل أيه."
وأردف قائلاً: "أنا حياتي بايظة بقالها أربع شهور، من يوم 6-15 لحد انهارده 10-15، الأربع شهور دول أوحش أربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني و تعبتني وأثرت علي نفسيتي، أولهم كان أول حب في حياتي عاش لمدة سنة ونص وكان نهايته يوم 6-15، بعدها كان وفاة حفناوي صاحبي وأخويا، يمكن مكناش قريبين من بعض بس مجرد مبنتكلم مع بعض أو بنشوف بعض بيبقي أكننا نعرف بعض من الحضانة، وكان في ذكريات حلوة أووي لينا مع بعض."
وتابع: "بعدها أمي كانت هتموت في حادثة عربية والحمد الله ربنا سترها وعدت علي خير، بعدها البيت بتاعنا لما غرق كله ولحد دلوقتي منعرفش غرق إزاي ولا إيه اللي حصل بس الحمد الله علي كل شيء، ولحد دلوقتي البيت لسه بايظ، وآخرهم بقي و ده لسة من 3 أيام إني تعبت جداً فجأة و تعبت تعب مش عادي ومش عارف أنا عندي إيه ولا الدكاترة عارفين أنا عندي إيه، خدت جميع الأدويه وخت حقن وبنام كويس وباكل كويس وبعمل كل حاجة وبرضه مفيش أي تحسن."
واستطرد عادل مجدي كامل في منشوره: "أنا بكتب الكلام ده دلوقتي وأنا مش حابب كدة خالص ولا كنت عايز أعمل كده، بس عملت كدة و كتبت كدة وهنزله علشان أنا بجد خايف من اللي جاي ومش عارف إيه اللي ممكن يحصل، فعلشان لو حصل حاجة أكون كتبت كل اللي جوايه وأكون ارتحت إني عملت كده، وعلشان برضه تكونوا عارفين إن الضحك والهزار والخروج والاستوريز مش دي الحياة الحقيقية، الحياة الحقيقية هي اللي أنا حكيتها دلوقتي."
وأضاف: "محدش يعرف انت حياتك عاملة إزاي ولا إيه اللي بيحصل فيها ولا جواك إيه، كله شايفك في صور وفيديوهات مش حقيقية، المهم ربنا يستر في اللي جاي ويعدي علي خير إن شاء الله، علشان المرة دي أنا بجد حسيت بالموت، فلو عدت علي خير حياة الواحد هتتغير تماماً في كل حاجة، حتة في الصور والفيديوهات..آسف إني طولت عليكوا، يارب انت الشافي المعافي."