يسرا تكشف أسرار من حياتها في مهرجان الجونة 2023 وتعلق: دورة استثنائية

مقالات ذات صلة

إطلالات يسرا في مهرجان الجونة على مر السنين

هنا شيحة تشكر مهرجان الجونة وتوجه رسالة إلى يسرا

فيديو رقص يسرا وشيرين رضا وتامر حبيب بعد ختام مهرجان الجونة يثير ضجة

كشفت يسرا الكثير من الأسرار حول مشوارها الفني، كما قالت النجمة المصرية إن مهرجان الجونة هذا العام يقام في ظل دورة استثنائية بسبب الحرب على فلسطين وما يعاني منه أهل غزة، إليك أبرز تصريحاتها في السطور القادمة.

ندوة يسرا في مهرجان الجونة ٢٠٢٣

وقالت يسرا عن المهرجان: مهرجان الجونة السنة دي في حاجة استثنائية في الظروف اللي إحنا عايشي فيها وفي العالم كله، ميزة اي مهرجان في العالم إن أنت بتتحاورين مع الآخر بتفرضي وجهة نظرك هو بيقول وجهة نظرك، ممكن توصلوا لحل وممكن لا لكن على الأقل في حقائق بتبان".

 وعن فيلم باب الشمس قالت يسرا: "يسري أنا بحييك بجد لأن الفيلم حلو بجد جدا جدا" كما تحدثت عن مجموعة من الأفلام المشاركة في المهرجان وعبرت عن إعجابها بهم  خاصة الأفلام التي تناقش ما يتعرض له الأطفال بعد الانتهاكات التي يتعرض لها.

يسرا في مهرجان الجونة السينمائي الدولي 2023

يذكر أن الفنانة يسرا واحدة من بين النجوم المشاركين في مهرجان الجونة 2023 وخطفت النجمة المصرية الأنظار بتألقها في حفل الافتتاح والفعاليات بإطلالات ناعمة أبرزت جمالها وسحر طلتها.

وفي حفل الافتتاح اعتمدت يسرا على إطلالة كلاسيكية باللون الأسود ولمست مكياج رقيقة، وحرصت يسرا على مشاركة جمهورها الكثير من اللحظات الخاصة في المهرجان، كما وثقت كاميرا مهرجان الجونة مدى تفاعل الجمهور والنجوم مع ندوة الفنانة يسرا.

وفي الندوة تحدثت يسرا عن النجمة الراحلة سعاد حسني وقالت إنها كانت تتمنى أن تصير مثلها في يوم من الأيام وأضافت النجمة المصرية: "لما شوفت سعاد حسني حسيت أن في ألماظتين طالعين من عنيها، كنا في المعمورة، وإحنا ماشيين المشهد كان بيصغر كده، فأنا وقتها كلمت ربنا وقولت هو أنا ممكن أكون زيها، دي اللحظة اللي أنا حلمت بيها وألهمتني أني أكون زيها".

وعن أعمالها مع الزعيم قالت يسرا خلال ندوتها في مهرجان الجونة السينمائي مسلطة الضوء على الأعمال التي جمعتها بعادل إمام: "قدمت مع الزعيم عادل إمام 17 فيلماً من أفضل أدواري، وفخورة بكل أعمالي معه لأنه شخص استثنائي وفنان عظيم.. عملت مع أستاذ رأفت الميهي فيلم "الأفوكاتو"، من أحلى أفلامي على الإطلاق، وفيه ناس وقفت ضدنا فيه ودخلنا في محاكم، ومرة بعد عرضه ونجاحه، في شباب كانوا معدّيين قالولي بصوت عالي عايز أتجوزك يا عطية". وأضافت: "مش بتدخل في السيناريو في كل الأحوال، بس في المسلسلات بتدخل، والفرق إن الفيلم مدته ساعتان والدنيا واضحة وصريحة فيه، لكن في المسلسلات لازم تخدمي على كل الشخصيات وتديهم أدوار حلوة يبانوا فيها، المسلسل بيكون 13 ساعة فلازم تفرشي كل الشخصيات دي".

وأضافت مستكملة الحديث عن مشوارها الفني: "أستاذ عبد الحليم نصر سمع عني وقعدني، كان أهم مصور في الوقت ده، فقعدني في مكان معاه هو والأستاذ حسين الصباح، في شكل دايرة عشان يشوف زوايا وشّي، وقالي هديكي أول بطولة، طبعاً مكنتش مصدّقة نفسي، وأخدت بطولة من أول فيلم عملته... عملت 20 فيلم منزلوش، وكانوا مسميني وقتها النجمة المعلبة زي الزيتون كده، وبقيت أقول إيه هو أنا هعمل أفلام وتتحط في العلب بس، أوقات كنت بقدم 6 أفلام في اليوم، وبطلع من الأوردر ده على الأوردر ده".

وأضافت: "جالي فرص في هوليوود وفرنسا واعتذرت عنها، السيناريو معجبنيش واتعرض عليا مليون دولار بس ما الشغل وحش، وأي بلد ليها أجندة معينة أنا مقبلتهاش، وأنا هنا نمبر وان في كل الوطن العربي وليا مكانتي، ليه أروح هناك وأكون نمرة 12؟".

كما تحدثت يسرا عن بداياتها قائلة: "مفيش أزمة مهزمتنيش في البداية، وكنت بفكر إزاي أنتصر عليها بعدين، وده اللي خلاني أطبطب على نفسي وأقول معلش أنتي هتعدي حتى لو في جرح هيخليكي أقوى وأصلب، بندم على حاجات كتير لما باخد قرارات سريعة وفي فترة من حياتي اخترت شخص ما غلط ارتبطت بيه، والتسرع في الحاجات اللي زي دي بيكون غلط".