تعرفي على فوائد اليوغا للجسد والروح والعقل
اليوغا مش مجرد رياضة هي نظام عمل متكامل بين الجسم و الروح، و فوائدا الكتيرة بتمتد على الصعيدين كمان.
فعقليا و روحيا:
- بتعدل المزاج وبتقلل من التوتر و الاكتئاب .
- بتساعد على زيادة التركيز و تحسين الذاكرة.
- وكمان ممارسة اليوغا بتساعد على الاسترخاء و بالتالي بتساعد على النوم بشكل افضل.
- مع الوقت اليوغا بتنقل الانسان ليكون شخص مسالم و متحكم بأعصابه، و هيدا شي منحتاجو بحياتنا المليانة ستريس.
أما جسديا:
- بتحسن اليوغا من الدورة الدموية بالجسم، و بالتالي بتحسن الحالة العامة للبشرة والشعر.
- كمان بتساعد على زيادة مرونة الجسم وخاصة بالمفاصل يلي نادراً ما نستخدما بحياتنا اليومية وهيدا الشي بيحمي من التهاب المفاصل.
- وكمان بتسيطر على الوزن لان بتحافظ على شكل الجسم و رشاقته.
- بعض الوضعيات باليوغا بتساعد على تقويم العمود الفقري عن طريق تخفيف الضغط الزايد على الفقرات.
نتيجة الاقبال على اليوغا بشكل كبير للحصول على فوائدا العديدة ولان ما فينا ننكر تاثير المظهر على نفسيتنا صار في تركيز اكبر من قبل الشركات الرياضية على ملابس اليوغا حتى تشجع على ممارسة التمارين بستايل و اناقة.
اذا تشجعتي و قررتي تنضمي لقائمة المشاهير و الاشخاص الكتار يلي مثابرين على اليوغا بقي عليكي تعرفي شو تلبسي، و تزوري موقع Shopbop.com و تختاري التياب المريحة ويلي بتتمدد وما بتعيق الحركة كونا الخيار الامثل لليوغا وفي تشكيلة كبيرة من الالوان و الستايلات يلي بتتناسب مع كل الازواق من القطع العلوية القصيرة الضيقة او الفضفاضة الطويلة، للسراويل الضيقة الطويلة او يلي بتغطي نصف الساق والعريضة.
وهلق صرتي جاهزة لتنطلقي بحياة مليانة راحة نفسية و جسدية.
